РОМАНТИКЛАР
Алишер Узоқов, актёр, хонанда, 1984 йил 25 августда дунёга келган.
Табиатан романтик бўлган бу кишилар танқидни ҳам табассум билан қабул қилади. Ҳар қандай ажойиб ғоя иштиёқида тезда ёнади ва уни ҳаётга тадбиқ этмасдан тинчимайди...
· 2006 йили Санъат институтининг "Эстрада актёрлиги” факультетини тугаллаган.
· 2006-08 йилларда Ўзбек Миллий академик драма театрида ишлаган.
· Ўзига муносиб қизни топиб улгурган. Уйлангач, уйга кеч келиш одатини ташлаш ниятида.
САМИМИЙЛАР
Улуғбек Қодиров, актёр, 1983 йил 3 августда таваллуд топган.
Ушбу санада туғилганлар ҳазил-мутойибага мойил бўлади. Улар яна самимий ва мулоқотда жуда очиқ...
· Бокс спорт турига болалигидан қизиқади. Аммо у қадар кўп шуғулланмайди.
· Ҳақиқатни қўпол тарзда эмас, балки юмшатиб гапириш тарафдори.
· Куз фаслида барглар тўкилган йўлакда сайр қилишни хуш кўради.
·
ИЖОДКОРЛАР
Ўткир Ҳошимов, Ўзбекистон халқ ёзувчиси, 1941 йил 5 августда туғилган.
Бу санада таваллуд топганлар ҳар томонлама ривожланган шахс бўлишади. Ижод билан боғлиқ бўлган иш уларга шодлик бахш этади...
· Илк китоби — "Пўлат чавандоз” очерклар тўплами. Биринчи йирик насрий асари — "Чўл ҳавоси”.
· "Баҳор қайтмайди”, "Дунёнинг ишлари” қиссалари ёзувчига шуҳрат келтирган.
· 1986 йили Ҳамза номидаги Ўзбекистон давлат мукофоти лауреати бўлган. 1996 йилда — "Меҳнат шуҳрати”, 2001 йилда — "Буюк хизматлари учун” орденлари билан мукофотланган.
ЖОЗИБАДОР
Дилдора Рустамова, актриса, суҳандон, 1978 йил 6 августда туғилган.
Бу санада туғилганлар содда ва ишонувчан бўлади. Жозибадорлиги билан ҳам ажралиб туради...
· Дубляжда иш фаолиятини бошлаганига 11 йил бўлди.
· "Дубляж олдин мен учун катта қизиқиш эди. Ҳозир ҳаётимнинг бир бўлагига айланган”, дейди.
· Энг машҳур қаҳрамонлари — Ванесса ва Верхинья ("Бегона”), Баҳор ("Ишкомли уй”), Назар ("Хиноли қор”), Хавин ва Дуйгу ("Июн оқшомлари”)...
ЁЛҒИЗЛИКНИ ХУШ КЎРУВЧИ
Маҳмуджон Йўлдошев, Ўзбекистон халқ ҳофизи, 1953 йил 10 августда дунёга келди.
Ушбу санада туғилганлар ёлғизликни яхши кўрувчи инсонлардир...
· 1997-86 йилларда Андижон филармониясида, 1987 йилдан эса "Мақом” ансамлида фаолият юритган.
· 2000 йилда Ўзбекистон халқ хофизи унвонини олган.
ТАРТИБЛИ
Яйра Абдуллаева, Ўзбекистон халқ артисти, 1930 йил 14 августда туғилган.
Воқеа-ҳодисаларни доимо таҳлил қилиб боришади. Ўзига юклатилган ишни аъло даражада ва керакли муддатда бажаради...
· Ижодини 1945 йил Г.Раҳимов раҳбарлигидаги фронт концерт бригадасида бошлаган. 1950 йилдан эса Ўзбек Миллий академик драма театрида фаолиятини давом эттирган.
· 1967 йили Ҳамза номидаги Ўзбекистон Давлат мукофоти лауреати бўлган, 1998 йилда эса "Дўстлик” ордени билан тақдирланган.
· 1964 йилда Ўзбекистон халқ артисти унвонини олган.
СИРЛИЛАР
Райҳон Ғаниева, хонанда, 1978 йил 16 сентябрда таваллуд топган.
Фақатгина энг яқин инсонлари унинг ҳар доим ҳам бошқаларга кўринганидек хотиржам эмаслигини билишади...
· 2002 йили "Ниҳол” давлат мукофотини, 2005 йилда эса Ўзбекистонда хизмат кўрсатган артист унвонларини олган.
· Илк бор кредитга кумушранг "Нексия” ҳарид қилган.
· Шу йилдан бошлаб, рақс мактабини ташкил қилди.
ҒАЙРАТЛИ
Саида Раметова, Ўзбекистонда хизмат кўрсатган артист, 1957 йил 21 августда тавуллуд топган.
Фақат битта иш билан шуғулланишни ёмон кўради. У бир вақтнинг ўзида ҳамма нарсага қўл уради ва барчасининг уддасидан чиқади...
· "Артист-да, санъаткорда ҳаммаси бир гўр”, деган гапни эшитса асабийлашади.
· "Увайсий”даги Жаҳон отин Увайсий ролини яхши кўради.
· Армони — қизи йўқлиги.
МАФТУНКОРЛАР
Фаттоғхон Мамадалиев, Ўзбекистон халқ ҳофизи, 1923 йил 25 августда туғилган (1999 йил 3 апрелда вафот этган).
У ўз назари ва овози билан атрофдагиларни мафтун қила олади. Ҳатто қисқа учрашувдан кейин ҳам бундай одамни унутиш қийин...
· Беш қисмли "Савти Фаттоҳхон” ашула туркумини басталаган, "Қадимги Ушшоқ”, "Умрзоқ Полвон Ушшоқи”, "Зикри Ушшоғи” мақом йўлларини тиклаган.
· 1992 йили "Меҳнат шуҳрати”, 1998 йилда эса "Эл-юрт ҳурмати” орденлари билан тақдирланган.
· 1990 йилда Ўзбекистон халқ хофизи унвонига эга бўлган.
МАТОНАТЛИЛАР
Файзулла Аҳмедов, Ўзбекистон халқ артисти, 1936 йил 28 августда таваллуд топган
(2009 йил 5 мартда йил вафот этган).
Ўзининг барча режаларини ёки ҳеч бўлмаганда уларнинг катта қисмини амалга ошириш учун матонатли бўлишади...
· 1958 йилдан Муқимий номидаги мусиқий драма театри актёри.
· Мингдан ошиқ фильм дубляжида қатнашган.
· 1999 йилда Ўзбекистон халқ артисти унвонини олган.
