Vanity Fair журнали дунёнинг энг обрў-эътиборли шахслари рўйхатини элон қилди.
Журнал талқинига кўра, машҳур Facebook тармоғи асосчиси Марк Цукерберг мазкур рўйхатни бошқариб бормоқда.
Журналнинг 17-йиллик рейтингида дунёдаги 50 нафар таниқли ва омадли инсонлар киритилган. Цукерберг номи икки йилдирки, ушбу рўйхатнинг бошида турибди. 2012 йилда Facebook акциялари фонд бозорига чиқарилади ва улар 100 миллиард долларгача даромад келтириши мумкинлиги тахмин қилинмоқда.
ИТАР-ТАСС маълумотига кўра, 27 ёшли Марк Цукерберг мазкур рўйхатни бошқарган энг ёш инсон сифатида тарихга кириши мумкин.
Иккинчи ўрин машҳур қидирув сайти Google асосчилари Сергей Брин ва Ларри Пейжга насиб этган. Улар ўтган йилги натижаларга кўра, бир поғона юқори кўтарилишган. Кучли учликка дунёдаги энг йирик онлайн-ритейлер – Amazon муаллифи Жефф Безок якун ясаган.
Журнал тўртинчи ўринни Apple компаниясининг янги бош директори Тим Кук ва компания бош дизайнери Жонатан Ивга раво кўрди. Бешинчи ўрин эса, Twitter асосчиси Жек Дорсига муносиб кўрилди. Машҳур қўшиқчи Лэди Гага ҳам бу рўйхатдан иккинчи маротаба жой олди. Бу гал у тўққизинчи ўринни эгаллади. Гарри Поттер ҳақидаги китоблар муаллифи Жоан Роулинг эса, 16 ўринни банд этиб турибди.
Нашрнинг маълумотигакўра, ушбу рўйхатнинг 15 нафар иштирокчиси ҳали 40 ёшга бормаган. Улар орасида Марк Цукерберг ва Лэди Гагадан ташқари таниқли актёр Эштон Катчер ва хонанда Жастин Тимберлейк ҳам бор. Рўйхат аҳлидан 14 нафарини миллиардерлар ташкил этади. Шунингдек уларнинг яна саккиз нафари Ккалифорниядаги Станфорд университети битирувчиларидир.