Испания суперкубоги учун кечаётган учрашувда Испаниянинг бугунги кундаги жнг кучли икки жамоаси кураш олиб бормоқда. Дунё футболида "Эль-Классико” номи билан танилган "Реал” ва "Барселона” жамоаларининг бу сафарги тўқнашуви Мадриддаги "Сантьяго Бернабэу” стадионида бўлиб ўтди вап унда ғолиб аниқланмади.
Учрашувнинг дастлабки дақиқаларини мадридликлар устундик билан бошлашди. Карим Бензема ва Роналду ҳужумдаги фаол ҳаракатлари "Барселона" ҳимоясини хушёрликда ушлаб турди.
13-дақиқага келиб мезбонлар ҳисобда олдинга чиқиб олишди. Карим Бенземанинг фаол ҳаракати натижасида Месут Ўзил дарвозабон билан бирга-бир вазиятга чиқиб борди. Германия терма жамоаси аъзоси бундай имкониятни қўлдан бой бермади.
Ўйиннинг бундай тус олиши энди меҳмонларни қониқтирмасди. Шу мақсадда уларга олдинга боришди. 36-дақиқада ўртадаги фарқ йўққа чиқди. Лионель Месси ҳар доимгидек марказдан рейдни амалга ошириб тўпни чап қанотдан олдинга ташланаётган Давид Вильяга етказиб берди. Давид эса бир ҳимоячини алдаб ўтиб "парашют" услубида тўпни дарвоза тўрига бориб тушди.
Биринчи бўлим ниҳоясига яқин энди Мессининг ўзи "Классико"даги навбатдаги голига муаллифлик қилди. Бу вазиятда ҳам Месси марказдан жарима майдончасига ёриб кириб зарба берганди. Жамоалар биринчи бўлимни худди шу ҳисоб билан якунлашди.
Иккинчи бўлимда энди яна мадридликлар олдинга ташланишди ва бунинг натижаси ўлароқ, Хаби Алонсо 54-дақиқада ҳисобни тенглаштирди. Қолган дақиқаларда ҳам иккала жамоада ҳам бир қатор имкониятлар юзага келди. Бироқ уларни голга айлантириш жамоаларга бошқа насиб этгани йўқ.
ИСПАНИЯ СУПЕРКУБОГИ
Дастлабки учрашув
РЕАЛ МАДРИД – БАРСЕЛОНА – 2:2 (1:2)
Голлар: Ўзил (13), Алонсо (54) – Вилья (36), Месси (45).
РЕАЛ МАДРИД: Касильяс, Рамос, Карвалью, Пепе, Марсело, Хедира (Кальехон, 58), Алонсо, Ўзил, Ди Мария (Коэнтрау, 54), Бензема (Игуаин, 81), Роналду.
БАРСЕЛОНА: Вальдес, Дани Алвес, Маскерано, Абидаль, Адриано (Пике, 61), С. Кейта, Тиаго Алькантара (Хави, 58), Иньеста, Санчес, Вилья (Педро, 73), Месси.
Огоҳлантиришлар: Хедира (32), Санчес (55), Алонсо (78), Коэнтрау (90), Дани Алвес (90).