Осиё футбол конфедерацияси турли номинациялар бўйича 2011 йилнинг энг яхшиларини эълон қилишига ҳам бир ҳафта муддат қолди. Ғолиб ва совриндорларни тақдирлаш маросими 23 ноябрь куни Куала Лумпурда ўтказилишидан хабарингиз бор.
"Йилнинг энг яхши футболчиси" номинацияси бўйича энг сўнгги номзодлар сони 6 нафарни ташкил қилди. Сервер Жепаров ҳам 23 ноябрь куни номзод сифатида Куала Лумпурга борадиган бўлди.
Якуний рўйхатда Япония ва Жанубий Кореядан икки нафардан ҳамда Ўзбекистон ва Эрондан бир нафардан футболчилар қолишди. Ҳамюртимизга Шинжи Кагава, Кейсуке Хонда, Ку Жа Чол, Юм Ки Хун ва Ҳоди Оқилий рақобатчилик қилишади.
Шунингдек, ОФК 2011 йилнинг аёл футболчиси унвонини қўлга киритишга даъвогарлик қилаётган футболчиларнинг рўйхатини ҳам элон қилди. Номзодларнинг ҳар учаласи Япониядан.
Эслатиб ўтамиз, ҳакамларимиз Равшан Эрматов ва Абдуҳамид Расулов йилнинг энг яхши ҳаками ва қанот ҳаками номинациялари бўйича номзодлар сафига киритилишган ва улар 23 ноябрь куни бўладиган маросимга таклиф этилишган.
"Йилнинг энг яхши футболчиси" номинацияси бўйича номзод футболчилар рўйхати (алифбо тартибида)
Кейсуке Хонда (Япония)
Ку Жа Чол (Жанубий Корея)
Сервер Жепаров (Ўзбекистон)
Шинжи Кагава (Япония)
Юм Ки Хун (Жанубий Корея)
Ҳоди Оқилий (Эрон)
"Йилнинг энг яхши аёл" футболчиси" номинациясига номзод футболчилар (алифбо тартибида):
Айа Мияма (Япония)
Аюми Кайхори (Япония)
Хомаре Сава (Япония)