БУЮК ВА МУҚАДДАС, МУСТАҚИЛ ВАТАН
Катта карвон йўлга чиқди,тўғри йўл сарбони бор.
Ўзбекистон Республикаси Ислом Каримов таъкидлаганидек,”Бугун биз тарихий бир даврда –халқимиз ўз олдига эзгу ва улуғ мақсадлар қўйиб,тинч-осойишта ҳаёт кечираётган,авваламбор ўз куч ва имкониятларига таяниб,демократик давлат ва фуқоролик жамияти қуриш йўлида улкан натижаларни қўлга киритаётган бир замонда яшамоқдамиз”.
Мустақиллик деганда 70 йиллик истибдоднинг занжирлари қатъиятлик билан узиб ташланиши, тараққиёт йўлига тўсқинлик қиладиган деворларни олиб ташланиши, жамиятга бахш этилган жўшқинлик тушунилади. Президентимизнинг хар бир маърузалари, нутқлари ва асарлари билан танишар эканман ”Мустақиллик халқнинг жонли ижодкорлигига таянишдир” деган фикрга бораман. Буни биз 20 йиллик тарихимиздан кўриб турибмиз.
Демократия, махаллий ўз-ўзини бошқаришни хар тарафлама ривожлантириш, ташаббусни, тадбиркорликни рағбатлантириш ва қонунларга итоат этишни мустахкамлаш, ҳуқуқий маданиятни юксалтириш мустақилликнинг энг катта ютуқларидан бўлди. Туғри, ғарбдаги айрим кимсалар қўлга киритаётган ютуқларимизни кўролмаётганликларини хам очиқ айтишимиз керак. Гўёки Ўзбекистондаги ислохатлар боши берк кўчага кириб қолгани борасидаги фисқу-фасад, иғво гапларни ҳам эшитиб турибмиз. Ичи қора кимсаларнинг мағзава гапларига жавоб бериш учун шуни қайд қилиш кераки, Ўзбекистонда миллий менталитетга хос ва мос ҳолда, миллий манфаатларимиздан келиб чиққан ҳолда туб ўзгаришлар амалга оширилмоқда. Хаётнинг ўзи ўртага қўяётган саволларга эвалюцион(тадрижий) йўл билан жавоб топмоқдамиз. Кимлардир бизни йўлдан тойишимизни кутаётган бўлса, уларнинг умидлари пучга чиқиши аниқ. Тарих хамма нарсани жой-жойига қўйганида ғанимларимиз лабларини тишлаб қолиши турган гап. Шундоқ хам бўлмоқда. Тошкентда ўтаётган турли халқаро анжуманлар, Европанинг бир қатор давлатларида Ўзбекистон рахбариятининг ташаббусларига бағишлаб ўтказилган анжуманлар халқаро экспертларнинг диққат марказида бўлиши ўзимиздан чиққан ичи қораларнинг юрагини ёндиргани аниқ. Шунинг ўзиёқ жахон хамжамияти Ўзбекистонни салохиятига тан берганини кўрсатиб турибди. Юртбошимизнинг "Ўзбекистон Республикаси давлат мустақиллигининг 20 йиллигини нишонлашга тайёргарлик кўриш ва уни ўтказиш тўғрисида”ги қарорида таъкидланганидек, мамлакатимизда демократик давлат, фуқоролик жамиятини барпо этиш, иқтисодиётимизни бозор муносабатларига ўтказиш ва ривожланган давлатлар қаторидан муносиб жой олиш йўлида эришган марраларимиз жаҳон аҳлини ҳақли равишда хайратда қолдирмоқда.
20 йиллик тарихга назар ташлайдиган бўлсак, илк йилларда қийинчиликлар бўлганини тан олиш керак.Чунки бир тузумдан иккинчи тузумга ўтиш жараёни осон эмас.(Масалан, СССР "доҳий”лари социализмга пойдевор қўйилиши учун 20 йил(1937йилда), узил-кесил ғалабаси учун эса 40 йил(1957йилда) сарфланганини айтиб келишган).Ташқи кучлар Ўзбекистон ички ишларига кўпол равишда аралашмоқчи бўлди. Турли диний оқимлар, экстремистик, террорчи гурухларнинг юртимизга суқилиб кириши халқимизнинг фаровон турмуш сари ташлаган қадамларини тўхтатиб қололмади. Бу бизга ким дўст-у, ким душманлигини кўрсатиб қўйди. Мустақиллик арафаси ва илк йилларидаги фожеалар, террор харакатлари, ундан кейинги кўнгилсиз воқеалар халқимиз учун катта синов бўлиши билан бир қаторда ўзбекистонликларни жипслаштиришга хизмат қилди. Бир сўз билан айтганда, юртбошимиз рахномолигида Ўзбекистон халқи ватанимизнинг террорчи ва экстремистлар найзалари остида қолишига йўл қуйилмади. Агар ҳақиқат нуқтаи назаридан бахо бериладиган бўлса, холис кузатувчи Ўзбекистонда мустақиллик йиллари хақиқий тараққиёт бўлганини тан олади. Ҳам тўғри, ҳам кўчма маънода гапирадиган бўлсак мустақилликнинг илк йилларида биз юришимиз керак бўлган йўл йўқ эди. Шоир "учарга ҳар қушдан пат сўрамадим” деб ёзганидек, айрим давлатларга ўхшаб ташқи ёрдамга кўз тикиб ўтирмадик. "Қарз олиш осон,бу ҳаммамизга маълум, лекин бир кун келиб тўлаш ҳам керак.Биз фақатгина бугунги кунни эмас, балки эртамизни, келажак авлодларни ҳам ўйлашимиз керак. Биз ҳозир хато қилиб қўйсак, фарзандларимиз келажакда қоқилиб қолишини ҳисобга олмасак, бу катта гуноҳ бўлади” деб ёзди кейинчалик юртбошимиз. Ўзбекистоннинг ўз йўлини ишлаб чиқиш учун кўп тер тўкилди. Тайёргарлик кўриш учун вақт йўқлиги англаб етилган холда ана шу йўл ишлаб чиқилди. Бунинг натижаси ўлароқ олға ташланган қадамдан асло чекинилмади. Тўғриси чекинишни, эришилган марраларни қўлдан бой бериш ҳаёлга келмади. Танлаган йўлимиз тўғрилигига хеч ким шубха қилмади. Мана шу қисқа муддат ичида катта вазифалар хал қилинар экан, муваффақиятсизликларга йўл қўйиб бўлмасди. Ўзбекистонликлар бир тан, бир жон бўлиб йўлда учраган ҳар қандай тўсиқларни бартараф этишар экан, мустақилликни мустаҳкамлаш ишига катта ҳисса қўшдилар. Шу ўринда Ўзбекистонга эндигина рахбар этиб сайланган Ислом Каримовнинг мухташам концерт саройида кенг жамоатчилик вакиллари билан бўлиб ўтган учрашувда билдирган фикрлари ҳеч эсимдан чиқмайди. "Агар бир мушт бўлиб бирлашсак, бизни хеч ким енга олмайди”, деган эди ўшанда республикамиз рахбари.
"Инсон хуқуқлари”, "демократия” каби ибораларни ниқоб қилиб бизнинг шаънимизга қанчадан қанча уйдирмалар, иғвогарликлар, бўхтонлар айтилмади, дейсиз. Ўзбекистоннинг ўтмишини, унинг халқи урф-одатларини яхши билмайдиганлар яна бир бор тарих китобларини ўқиб чиқишлари керак, ёки Ўзбекистонга келиб бу ердаги бунёдкорлик ишларини ўз кўзлари билан кўришларини маслахат берардик. Балки чет элликлар учун "Тошкент-Самарқанд”, "Тошкент-Бухоро”, "Тошкент-Қарши” тез юрар поездларининг қатнови, Қамчиқ давони, «Тошгузор-Қумқўрғон-Бойсун», Қизилқумни қоқ ўртасидан кесиб ўтган Нукусгача борувчи темир йўлларининг қурилиши, пойтахтимиз Тошкентнинг бутунлай янги қиёфага кириши кимлар учун одатий хол бўлиши мумкин. Лекин бу МУСТАҚИЛЛИК деб аталмиш дарахтнинг меваларидир. Шундай бунёдкорлик ишлари билан собиқ иттифоқнинг қайси давлати Ўзбекистон олдига туша олади? Ҳеч қайси давлат, дея очиқ чеҳра билан жавоб берамиз. Чунки уларнинг айримларида худудий муаммолар, айримларида миллатлароро муаммо ва яна бошқаларида иқтисодий муаммолар хамон хал қилинганича йўқ. Ўзбекистондаги муваффақиятларнинг ҳаммаси мангуликка қўйилган ХАЙКАЛдир. Буларнинг хаммаси халкимизнинг қадоқ қўллари билан бунёд қилинди. Яна улуғвор хайкал қўйилдики, буни А.Пушкин ибораси билан айтганда "қўл билан тиклаб бўлмас хайкал” дейиш мумкин. Бу Олий Минбардан туриб Истиқлолнинг эълон қилинишидир. 20 йилда одамларимиз онги ўзгарди. Катта авлод вакиллари яхши билишади, собиқ тузумда "коммунизмда ҳар ким қобилиятига яраша ишлайди, мехнатига яраша ҳақ олади” деб чўпчак айтишарди. Коммунизм эмас, балки мустақиллик бизга ўша ваъдалар амалга ошишига имкон берди. Авваллари қўрқа-писа, паст овозда айтилган «Мустақиллик» сўзи баланд овозда, фахр билан баланд минбарларда хам, оддий хонадонларда хам айтилмоқда .
Қадимги шарқда буюк ишларни амалга оширганларга ОТА нисбати берилган. Кейинчалик Америка мустақиллигини эълон қилганларга нисбатан хам "миллат оталари” деган ибора қўлланилган. Ҳали ҳануз америкаликлар "мустақиллик оталари”ни хурмат қилиб келишади. Агар биз ҳам Ўзбекистон мустақиллигини эълон қилган инсонга нисбатан МУСТАҚИЛЛИК ОТАСИ сўзини қўлласак тарихий адолатни қарор топдирган бўлардик. Ўта қалтис ва мураккаб бир даврда юртимиздаги тинчлик ва барқарорликни асраб қолиш, Марказдан бўлаётган турли зарарли таъсирлардан халқимизни ҳимоя қилиш, ўз мустақил сиёсатимизни ишлаб чиқиш ва амалга ошириш мақсадида 1990 йилнинг 24 март куни Шўролар худудидаги республикалар орасида биринчи бўлиб Ўзбекистонда президентлик юксак лавозими жорий этилди. Ўшанда юртимизни мустақиллик йўлига бошлаган дастлабки қадам қўйилган эди. Ўзбекистон Президенти сифатида илк бор 27 март куни журналистлар учун матбуот анжумани ўтказган Ислом Каримовнинг "билдирилган юксак ишончни оқлаш учун бутун куч ва ғайратимни, билимим ва малакамни аямайман. Президент сифатидаги биринчи нутқимда айтиб ўтганимдек, асосий вазифалардан бири Ўзбекистоннинг сиёсий ва иқтисодий мустақиллигини мустахкамлаш ва янада такомиллаштириш, уни янги мазмун бойитишдан иборат”, деган сўзлари ўша давр учун қаҳрамонлик эди. Буни асло ёдимиздан чиқаришимиз керак эмас.
Ўзбекистон қўлга киритган муваффақиятлар "Хамма нарса инсон учун, унинг келажаги учун” деган эзгу тамойилни тўлиқ амалга ошаётганидан далолат беради. Бу энг мухим устивор вазифа бундан кейин хам хукуматимиз томонидан амалга оширилаверади. Бир қўшиқда айтилганидек,”кимларгадир хавас бизнинг шухратимиз, шонимиз”. Чунки ҳар қўшиқ авжида куйланаётган она-юртимиз ниманики ўз зиммасига олган бўлса шараф билан оқлади. Ислом Каримов "Юксак маънавият-енгилмас куч” китобларида таъкидлаб ўтганларидек,”Бугунги кунда халқаро хамжамият сафидан муносиб ва мустаҳкам ўрин эгаллаб бораётган Ўзбекистонимизга, унинг тарихан қисқа даврда қўлга киритган улкан марраларига, эл-юртимизнинг маънавий илдизлари, урф-одат ва анъаналарига, бир сўз билан айтганда, ўзбек характери, ўзбек табиатига бутун дунёда қизиқиш ва ҳурмат тобора ортиб бормоқда”.
Шуни қайд қилиш керакки, юртбошимиз томонидан эълон қилинган "Кучли давлатдан- кучли фуқоролик жамияти сари” тамойили қўлга киритаётган улкан ютуқларимизнинг ва марраларимизнинг замини бўлмоқда. Шунингдек, президентимиз томонидан илгари сурилган "Мамлакатимизда демократик ислоҳатларни янада чуқурлаштириш ва фуқоролик жамиятини ривожлантириш концепцияси” мамлакатимиз хаётида тарихий бурилиш даврини бошлаб берганлиги жахонда тан олинмоқда.
Ўзбекистон ҳақли равишда ОСИЁ МАШЪАЛИга айланмоқда.
