Мана, икки йил ўтиб, ниҳоят, адолат қарор топди дейди, бугун АҚШдаги Жексоннинг минглаб мухлислари. 8 ноябр куни Суд биноси олдида йиғилган ашаддий мухлислар ичкарида кечган жараённинг одилона ниҳоя топишини интизорлик билан кутишди. Прокурор шуни маълум қилдики, Конрад Мюррей ўз касбига совуқ муносабатда бўлиши Майкл Жексондек инсон ҳаёти хавф остида қолдириб, унинг ўлими билан тугади. Демак, Мюррей айбдор. Кўпчиликнинг фикрича, бу шифокор Жексондан ойига 150 000 доллар маош олгани билан ўз очкўзлигини ҳам исбот этган. 29 ноябр Жексон ўлими билан боғлиқ маҳкама ишида сўнгги ҳукм ўқилади. Унгача Конрад қамоқда сақланади. Шу боисдан айбдор суд залидан қўлига кишан солинган тарзда олиб кетилди. Буни кўрган Жексон қариндошлари ва мухлислари қувончининг чеки йўқ. Уларнинг фикрича, адолат қарор топди. Айтишларича, Конрад Мюррей 4 йиллик озодликдан маҳрум этилиши мумкин.
Дарвоқе, суд залида Жексонннинг энг катта орзуларидан бири дунёдаги энг катта болалар шифохонаси очиши ҳақида ҳам тўхтаб ўтилди. Афсус, у бугун орамизда йўқ. Бу орзу эса армон бўлиб қолди.
Жасур ҲАМРОЕВ
***
КЕЧАГИ ВА БУГУНГИ МЕТАЛЛ ЛИБОСЛАР!
Paco Rabanne дунёдаги энг машҳур либос брэндларидан бири. 1968-йилдаги мода намойишида суратда кўриб тутранингиздек метал либослар яратиб, брэнд бутун олам гламурларини ларзага солганди. Бугунги кунда сайқаллашган ва замонавийлашган кўринишдаги металл либосларни илк бора Лэди Гага MTV EMA 2011 тақдимотида саҳна ортида кийиб, оммани лол қолдирди.
***
Paco Rabanne Spring 2012 Paris Fashion Week ҳафталигида! "МОДАСИГА ЎТ ТУШСИН" ДЕБ ШУНИ АЙТСА КЕРАК!
Пако Рабаннинг 2012 йил баҳорига мўлжалланган янги коллекцияси Париж Фэйшн ҳафталигида намойиш этилди. Подиумни тўлдирган ушбу антиқа либосларни кўриб, нима дердик...ўзбекчасига айтганда, "модангга ўт тушсин!”-да! ))))