Шахзода - Зилола Мусаева таваллудига аччиқ табрик!
Бугун шоу-бизнесимизнинг ёрқин, ЕНГИЛМАС, изланувчан дидли ва аксарият одамларнинг латофатли сўзининг синонимига айланган Шахзода тахаллуси билан бир неча йилдан бери ижод қилиб келаётаган Зилола Мусаеванинг таваллуд айёми.
Кечагина Зилоланинг илк қўшиқларида атак чечак қилиб юрган қўшнимнинг ўғли бугун йигит бўлиб Шахзода деса ўзини томдан ташлайди. Қаранг, Шахзоданинг жозибаси хануз ўзига тортади. Бир неча давр йигитларининг орзусидаги тимсол гўё. Кимга у ностальгия, кимга бренд, кимга эса бугунги кундаги енгилмас ва шижоатли хонанда.
Яшириб нима қилдик, хаммага аён бўлган оддий нохақлик. Лекин ўзини йўқотмади, у хали хам бор!
Хали хам қўшиқлари жарангламоқда! Хали хам аксарият ёшлар учун энг гўзал хисобланади,
Клиплари айланмоқда! Майли ТВда бўлмаса хам лекин одамларда бор! Етиб боради барибир.
Қўшиқлари Россияда хам жарангламоқда, Россия твларидаги нуфузли тадбирларда кўринмоқда. Олдинда эса ғарб.
Бугунги кунгача қанча ижод ахлини хатосию гунохларини кўрдик. Уларни олдида Зилолага норасмий белгиланган "запрет" нақадар ахмоқона...
Бу мени шахсий ва қатъий фикрим!
Зилоланинг орзуси хаммага аён, Тошкентда концерт бериш.
Бугун унинг таваллуд кунида мана шу орзуси бир вақтлардагидек оддий режа каби бўлишини тилайман.
Муттасадди идораларга эса мурожаатим оддий: Бўлар энди шунча нохақлик!
Кунимиз ижодкорни бўғизлашга қолмагандир?
Хал қилинадиган муаммолар етарли. Шахзода эса у даражадаги муаммо эмас!
Шахзода рақобатчиларга муаммо! Лекин бу "запрет"да бўлиб нохақ ва адолатсиз ижодий кураш дегани эмаску.
Зилола! Таваллудинг муборак! Синма! Синишга хаққинг йўқ! Фақат сахна соғинчи туртки бўлмай, хануз кундан кунга, даврлар оша ортиб бораётган мухлисларинг олдида сенинг қўшиқларинг хамиша соғинчли!
|