Ҳилола Ҳамидова (Хонанда, бир ўғилнинг онаси, турмуш қурганига 3 йил бўлди):
1.Уйга келган одам остона ҳатлаб хонадонга кираётганда, дастлаб эътибори айнан остонага тушади. Мен учун остона тозалиги муҳим.
2.Уй жиҳозларини тез тез алмаштириб тураман. Бошқаларга ҳам шуни тавсия этган бўлардим. Ўзгаришлар инсоннинг руҳиятига ижобий таъсир кўрсатади мумкин.
3.Ҳақиқатдан ҳам пиширган нарсамнинг ёмон чиққанининг бирон-бир сабаби бўлса, уни айтишим мумкин. Аммо ўзимдан-ўзим баҳона тўқимайман.
4.Ҳамма нарсани қатиий ўзим назорат қилишим керак. Шунинг учун оиламнинг ҳар бир аъзосининг кийими меннинг зиммамда.
5.Агар инсон ҳовлида яшаса, албатта жониворларни боқиши керак.
6.Қўйган нарсам жойида бўлмаса, жаҳлим чиқади ва у нарсани топиб беришларини талаб қиламан. Табиатдан тартиб қоидага ўрганган аёлман. Бундан ташқари, қидириб юришни ҳам ёмон кўрман.
7.Аёл киши ҳар бир нарсага масъул. Хоналарнинг тозалиги зиммамдаги асосий вазифалардан бири.
8.Ҳамма ўз ишини билиб-билиб бажарса, ортиқча гап-сўзлар камайяди.
9.Тежамкорлик рўзғорнинг энг асосий устунлардан бири. Шунинг учун ҳам мен тежамкорликни танлайман.
10. Овқат пишириб, уйимдагиларни хурсанд қилишга ҳаракат қиламан.
11. Эр-хотин ўртасида ҳеч қандай сир бўлиши керак эмас. Мен умр йўлдошимнинг, у киши эса меннинг қанча миқдорда маош олишимни билади.
12. Мен бу масалада ўз маслаҳатимни бераман, ҳолос. Иштирок этишим шарт эмас.
13. Эркаклар кўчада овқатланишни ёқтиришмайди. Шулар қаторида менинг эрим ҳам. У киши ишдан қайтишига иссиққина овқатлар пишириб, келишлари билан дастурхонга узатишга ҳаракат қиламан.
14. Менимча оиладаги аксарият жанжаллар ноўрин муаммолардан келиб чиқади.
15. Режа асосида иш қилишга одатланганман. Аммо қилинмаган ишга кўзим тушса режага қараб ўтирмайман.
16. Эшитишимча уйда пичоқ ўтмас бўлса, аёл киши устун бўлар экан. Бизнинг уйдаги ҳамма пичоқлар ўткир, чархланган (кулади).
Психолог хулосаси: — Ҳилола оилани ва ундаги бурчини биринчи ўринга қўяди. Уй жиҳозларини дид билан жойлаштира оладиган қобилиятга эга. Унга қилган хатоси ёки айбини айтишса, доим баҳонасини тайёрлаб туради. Оила аъзоларининг психологиясини тўлақонли ўрганган ҳолда иш тутади. Ҳар бир нарсада тартиб бўлиши керак, деб ҳисоблайди. Энг асосийси у ўзининг бека сифатидаги вазифасини ҳар қандай ҳолда адо этади.
«Турмуш ўртоғимнинг қанча маош олиши билан қизиқмайман»
Лола Зуннунова (телебошловчи, бир фарзанднинг онаси, турмуш қурганига бир ярим йил бўлди): —
1. Авваламбор остонанинг тозалиги катта аҳамиятга эга. Ҳар бир нарса остонадан бошланади-ку. Агар остонамиз тоза бўлса, уйимизнинг ҳар бир хонаси тоза бўлишига ишонаман.
2. Ўзгаришларни яхши кўрганим боис, уй жиҳозларини ҳам алмаштириб тураман. Агар жойларини ўзгартира олмасам ранг ўзгаришларидан фойдаланаман.
3. (Узоқ ўйланиб туриб) Бирон бир боҳона кўрсатсам керак. Пиширган нарсам ёмон чиққан бўлса, баҳонани олдиндан ўйлаб қўйишим ҳам мумкин.
4. Ҳамма ўзи билгандек, кийиниши тарафдориман. Агар оила аъзоларимга маслаҳатим керак бўлса, ёрдамимни аямайман.
5. Менимча, инсон ҳовлида турса, кучук боқса ёмон бўлмасди. Сабаби, итнинг одамга яқинлиги бор. Бу борада шароитга қараб иш тутиш керак.
6. Билмадим, менимча, ўзимни ўзим койиб, индамасдан қидираверардим. Чунки айб ўзимда, олган нарсамни жойига қўймаган бўлишим мумкин.
7. Тез-тез назорат қилиб тураман. Бу ёқимли жараён, деб ҳисоблайман.
8. Оилада ишни тақсимлаб бериш шар эмас. Ҳамма ишини ўзи билиб қилаверса тўғрироқ бўларди.
9. Агар уй бекаси ражага асосан иш кўрса, унинг ичига тежамкорлик ҳам кириб кетади. Шунинг учун биринчи галда аёл ўзи учун режа тузиб олиши керак.
10. Ҳозир техника ривожланган. Шунинг учун кир машина менинг кирларимни ювиб берса, менга овқат пишириш билан уй тозалаш ишлари қолар экан.
11. У киши қанча маош олишини билмайман. Умуман аёллар эрининг молиявий аҳволига қизиқиши шарт эмас, деб ҳисоблайман.
12. Агар харид қилиш ишларида ўзим қатнаша олмасам, маслаҳат бериш билан чегараланаман.
13. Турмуш ўртоғим ишдан келиши билан ширин муомала билан уни кутиб олиб, дарҳол дастурхон ёзаман.
14. Кўпинча рўзғордаги камчиликлар, керак бўлмаган муаммолар оилада жанжалга сабаб бўлиши мумкин.
15. Уй ишларига келганда қилишим керак бўлган юмушларни кетма-кетлик билан ёзиб чиқаман. Бажарилгангач, рўйхатдан ўчирганим сайин қувониб кетавераман.
16. Ошхонада ўткир пичоқ бўлса овқат ширин чиқади дейишади. Лекин ўтмас пичоқда ҳам таом пиширган кунларим бўлган.
Психолог хулосаси: — Бека сифатида ўзига ўта талабчан. Мавжуд имкониятлардан фойдаланиб, йўқни бор қилиб кўрсатадиган яхши фазилат эгаси. Таом тайёрлашда янгича нарсалардан фойдаланиш, уйдагиларнинг кўнглини олишни ўзига шиор қилган. Унинг учун уйда ҳеч ким бекор ўтириши керак эмас. Тежамкор бўлишига қарамай, турмуш ўртоғининг молиявий аҳволига эътибор бермасликка ҳаракат қилади. Фарзандларига нисбатан қаттиққўл, аммо кечиришга доим тайёр она. Унда оила хўжалигини бошқара олиш қобилияти жуда кучли.